के फाईव्ह (लेखक अनंत सामंत)

परत एकदा ड्रायव्हरला आठवण करून देत हे म्हणालेही, "काय रे, चोरबाजाराकडे नाही ना घेत आहेस गाडी?"

"नाही साहेब", ड्रायव्हरने हसत उत्तर दिलं, "लक्षात आहे माझ्या. पण साहेब, त्या एकाच बाजाराला मुंबईत चोर बाजार का म्हणतात माहीत आहे तुम्हाला?"

पाठल्या सीटवरून आरशात ड्रायव्हरकडे पाहत यांनी विचारलं, "नाही बुवा. तुला माहीत आहे?"

"छे!" ड्रायव्हर उत्तरला, "पण साहेब ज्या बाजारात चोर नसतात असा एकही बाजार या मुंबईत असेल यावर माझा विश्वास नाही; झाडून सारे चोर बाजार आहेत!"